Amazon Pushes Suppliers to Cut Carbon Emissions

Amazon Suppliers ko Carbon Emissions Kam Karne ke Liye Utsahit Kar Raha Hai.

Amazon apne suppliers ko sustainability par focus karne ke liye encourage kar raha hai. Company ka aim hai 2040 tak net-zero carbon emissions achieve karna aur isiliye apni supply chain requirements ko strong kar raha hai taaki emissions kam kiya ja sake.

Abb Carbon emissions ka matlab hai carbon dioxide (CO2) ka atmosphere mein release hona. Yeh usually tab hota hai jab hum coal, oil, aur gas jaise fossil fuels ko energy ke liye jalate hain. Yeh emissions climate change mein contribute karte hain kyunki yeh heat ko atmosphere mein trap karte hain, jis se global warming hoti hai.

📊Apni 2023 Sustainability Report mein, Amazon ne kaha ki uske top polluting suppliers, jo uski supply chain emissions ka 50% se zyada contribute karte hain, unko ek decarbonization plan submit karna hoga. Amazon ummid karta hai ki yeh suppliers lagataar progress dikhayenge aur jo follow nahi karenge unhe deprioritize kiya jayega.

📝Report mein is chiz par kuch zyada hi zor diya gaya, "Hum apna business un suppliers ke saath prioritize karenge jo apne plans dete hain aur net-zero carbon emissions ki taraf progress dikhate hain."

2023 mein, Amazon ne 68.8 million tons CO2-equivalent emissions produce ki, jismein se 51.76 million tons uski supply chain se aaye. Suppliers ki emissions reduce karne mein madad karne ke liye, Amazon ne Amazon Sustainability Exchange launch kiya, jo ek free website hai jismein guidelines, playbooks, science models, aur other resources available hain. Yeh website Amazon ke Sustainability efforts ke baare mein hai. Yeh discuss karti hai progress jo company ne various important areas mein achieve ki hai aur AWS ko zyada sustainable banane ke tareeke explore karti hai.

🌐Amazon ne 2019 mein The Climate Pledge co-found kiya, jiska aim hai 2040 tak carbon neutrality achieve karna 500 aur companies ke saath milkar. Jabki Amazon ne 2023 mein carbon emissions mein 3% reduction dekha, uska overall carbon footprint 2019 ke baad se 34.5% badh gaya hai.

💬Amazon ki chief sustainability officer, Kara Hurst, ne note kiya, "Hamari progress linear nahi hogi. Jaise jaise hamara business evolve karega, hamare results vary karenge. Lekin, hum The Climate Pledge ke prati committed hain."

Amazon akela nahi hai apne environmental efforts mein. Walmart ne bhi 2017 mein Project Gigaton launch kiya, jismein uske 5,900 suppliers ko apna carbon footprint kam karne ke liye encourage kiya gaya. Is February mein, Walmart ne apna goal achieve kar liya 1 billion tons emissions cut karne ka, apne schedule se 6 saal pehle.

🌱Amazon apni operations ko environment-friendly banane ke liye bahut mehnat kar raha hai. Wo apne sabse zyada pollution karne wale suppliers se keh raha hai ki wo carbon emissions kam karne ke plans banayein. Amazon unhe madad bhi de raha hai, jaise ki Amazon Sustainability Exchange ke resources. Yeh dikhata hai ki Amazon sach mein planet par apna impact kam karna chahta hai. Lekin, apne environmental goals ko achieve karne ke liye unhe lagataar kaam aur adjustments karte rehne padenge jab company grow karegi.